خطبة رسمية جدآ
...........................
طبعا بما انو عريس الهنا لازم يظبت حالو ويتأنق ويلبس أحلا ما عندو بغض النظر عن
البيئة الي هوة عايش فيها مو مشان شي بس مشان يعجب طبعا
وبيشرف عريس الهنا على بيت البنت الي بدو يخطبها وطبعا كل الموجودين عم يطلعو عليه مشان يعرفو اذا شكل العريس مناسب للبنت ولا لأ(لا تستغرب)
واكيد رح تبلش الأسئلة ؟؟؟
س: شو بتشتغل
ج: شركة دوران الأهلية
س: عندك بيت
ج: لأ بس رح سكنها بعيوني
س: اديش دخلك الشهري
ج:.............. العلم عند الله
س: دارس ولا لأ
ج: وهون بينفش حالو طبعا أكيد
س: شودارس
ج: وهوة كلو خجل كلية ..........
وهون رح يدور الحوار بدون اسئلة وعريس الهنا عم يقول بقلبو ( اففف خلصنا )
طيب يا ابني انت شو عندك مؤهلات للزواج وهون رح تبلش الفلسفة الي بيستعين فيها كل فقير
انا يا عمي رح خلي بنتك أسعد بنت على وش الأرض ورح حطا بعيوني
وخلونا نبني مستقلنا انا وهية ونرسم خطوط الأمل بأيدينا
ابوا للبنت وهوة كلو تذمر من هيك نيلة بيقلو مممممم طبعا بقلبو عم يقول (شو حدفك انت علينا)
وعريس الهنا لسا عم يحكي ويحكي عن المستقبل وشو ممكن يعملو مع بعض هوة وفتاة احلامو ( بس مين سامعك) لو تعرف شو مخبالك ؟؟؟
وبالأخر طبعا والدها للبنت مل كتير من هل الفلسفة الي رح توصل بنتو للجوع هاد بنظرو هوة
صارلازم يصرفو ويخلص منو
يا ابني نحنا رح نسئل عنك ورح نردلك خبر بعد يومين تلاته
ومن بعد ما يروح العريس شو هل النيلة ياه من وين أجانا هاد
وبدون تفكير طبعا مو هوة الي بيصير معنا
نحنا بدنا واحد لبنتنا يكون عندو مصاري وهاد هوة بدو مين يصرف عليه
ولكن اهم شي نسيه الأب الفاضل
ان يسئل ..............
انه اذا كان صاحب دين ام لا عن رسول الله صلى الله عليه وسلم(إذا اعجبكم دينه وخلقه فزوجوه)
لكن اليوم وللأسف حيث ضل الزمان فينا يسئلون عن الأملاك فقط (من بيوت ومحلات وسياراة) لأنو صارت من الضروريات بس أخلاقو مو مهم المهم انو عندو مصاري ورح يعيش البنت بالنعيم اه لو بيعرفو شو عم يستنا هل البنت المدللة؟؟
انا لا انكر انه للنقود دور هائل بحياتنا فبدونها لا نستطيع الأستمرار
ولكن هية ليست كل شيئ
ما اروع ان يعيش الزوجان بمحبة واخلا ص مع الفقر
وما اسوء ان يعيش الزوجان وهما على غير وفاق( وربما تجمع الخيانة بينهما) برغم وجود النقود
